Xehetasuna

Ostegunean, dibertsitate funtzionala duten pertsonen kolektiboari eta horiek kirolean duten inplikazioari buruz Bizkaiko udalerriei laguntza teknikoa emateko zerbitzutik eratorritako txostena eta ekintza-plana aurkeztu genituen, Haszten elkarteak eta Bizkaiko Foru Aldundiak elkarrekin egina.

Lan honek udalerriak inklusioarekin, ekitatearekin eta aukera-berdintasunarekin duen konpromisoa islatzen du, kirolaren bidez gizarte justuago baterantz aurrera eginez.

Diagnostikoa Bizkaiko Foru Aldundiko Euskara, Kultura eta Kirol Sailako Kirol Zuzendaritza nagusiak bultzatutako zerbitzuaren barruan kokatzen da, eta ekintza horrek bat egiten du Kirolur programarekin, Bizkaian kirol-eredu inklusiboago baten alde lan egiten duen sarearekin.

Basauriko Udalaren konpromisoa eskertzen dugu eta etorkizunari ilusioz begiratzen diogu: pertsona guztiek kirola eta jarduera fisikoa kalitatezko moduan erabiltzeko aukera izango duten etorkizuna.